ভাললগা সময়বোৰ,
তেনেকৈয়ে পাৰহৈ যায় আমাৰ ভাল লগা সময়বোৰ,
তুমি কোৱা মই শুনো,
তোমাৰ মৰমৰ আব্দাৰবোৰৰ মাজত মই বিলীন হৈ
পৰো।
এতিয়া মোৰ প্ৰতিটো উজাগৰি নিশা তোমাৰ নামত।
জীৱন প্ৰতিটো দিনেই তোমাৰ লগত।
তুমি, তুমি মোৰ সুখৰ
সংজ্ঞা,
মোৰ ৰুক্ষ হৃদয়ৰ অশ্ৰূ কণিকা !
তুমি মোৰ ভাল লগা সময়,
যাৰ বাবে আজি সজীৱ মই !
তুমি আছিলা বহুদিনৰ অচিন চিনাকি,
সোমালাহি মোৰ বুকুৰ মাজত মৰমেৰে আহি।
তুমি মোৰ সপোন কুঁৱৰী !
আমাৰ প্ৰেম মন্দিৰৰ তু্মি দেৱদাসী।
কাজলসনা দুচকুৰে কিনো কোৱা ?
হয়তো দিয়া আমাৰে প্ৰেমৰ বতৰা ।
মোৰ ভাললগা সময়ৰ ৰামধেনু তুমি,
সাতৰঙী ৰামধেনু আমাৰ প্ৰেমৰ সৃষ্টি।
বি.দ্র. : তোমাৰ হাতত মৰমেৰে এই কবিতাটো দিলো ।
ණৰূপজ্যোতি
Picture courtesy: kelarujart.wordpress.com
Nice poetry
ReplyDeleteWow.... Moja likhiso
ReplyDelete